Rules for “palahubogs”

dhyosa 31 October 2009 Hanging Around 437 views No Comment Print This Post  Email This Post

To all everyone who really likes night life. heres some rules to follow. nyahahahahhaha

Ang ungo nga palahubog
SUGILANON Ni Carmelo D. Lariosa / Panadtaran, San Fernando, Cebu (Banat) Updated June 14, 2009 12:00 AM

Hubog na pud si Andoy. Matag Biyernes sa gabii makita dayon kini si Andoy nga magwandogwandog nga maglakaw gikan sa tindahan nila ni Osting-Doray. Naninda man gud og mga ilimnon sila si Osting ug Doray ug duna pud sila’y karenderya sa kilid sa ilang balay. Anhi dinhi sa ilang tindahan ang mga estambay nga mag-inom.

Pero, kasagaran mag-inom dinhi sa tindahan nilang Osting-Doray mao ang mga driver nga mo-garahe na sa ilang mga multi-cab ug minibus. Alegre dinhi sa tindahan nilang Osting-Doray labi na’g naa si Imyat, ang anak nilang dalaga nga nagtungha sa siyudad, dili gyud kalikayan nga magtapok dayon ang mga ulitawo dinhi aron magpasumbingay sa ilang gibati ngadto sa dalaga.

Guwapa man pud gud ni si Imyat. Seksi kaayo. Naa pay iyang sul-obon nga short nga pinakigol nga medyo hapit na lang makita ang bogan niini.

Pero sa tanang manginomay dinhi sa ilang tindahan si Andoy maoy nakadani kang Imyat. Dili man unta maayo’g hitsura kini si Andoy, kay magkalkag man lang ang mga buhok niini—apan dili gyud niya matuyo nga ganahan siya sa ulitawo labi na’g mahubog na kini ug unya magkantakanta ug dayon mokamangkamang sa yuta. Malingaw si Imyat sa estelo ni Andoy.

Apan alang kanila kang Sixto, ang giilang leader sa mga bagis dinhi sa ilang baryo, kuwang kuno’g suntok kini si Andoy. Kay alingugngog kaayo kini kun mahubog na, magsinggitsinggit, unya mag-uwang nga mora’g uwang sa iro.
Dihay ka-usa sa tindahan nilang Imyat gitabangan og kulata nilang Sixto si Andoy ug hilabihang bun-oga sa pobre. Nagkamang kini nga halos dili na makakita sa agianan kay napikot ang mga mata gumikan sa mga bun-og nga gikan sa kumo nilang Sixto. Apan wala pa gihapon motagam si Andoy. kanunay gyud siyang moanha sa tindahan nilang Imyat aron moinom og tuba ug kun dili tuba bino ang iyang imnon.

“Kinsa may imong uyab, Myat?” nagtingsi si Andoy nga nangutana sa dalaga.

“Wa pa man koy uyab, Andoy, ikaw duna na kay uyab?” sa dalaga pa nga misumbalik-pangutana sa ulitawo.

“Hik, hik, heee, hik, wala pa dyud ko uyab, uy Imyat,” niini pa nga medyo langolango na. Unya miabot sila si Sixto bagis kuyog sa iyang mga hinanib.

“Hoy, nia na sad ning anak sa mangtas nga ungo, ay!” Milanog ang tingog ni Sixto. “Aron mo mahibawo, matud pa sa akong amahan, ang mga ginikanan ining Andoy, puwerteng ungoa,daghan na kaayong gibalbal!!”

Wala motingog si Andoy. Mibiya kini nga nagwandogwandog sa paglakaw ingon sa nagdali. Tuod, pagka-ingon ugma sa gabii, may gibalbal usa niini mao ang barkada ni Sixto bagis ug nakuniskunis ang tinai niini ug wala nay dugo.

Unya may nahibudngan ang mga tanod ug ingon man ang Kapitan dinhi sa ilang balangay nga mora’g nanimahong bino ang lawas sa gipangbalbal. Mao gyud kini ilang namatikdan.

Matag gabii duna gyu’y balbalon ug dili gyud masipyat nga mga hinanib ni Sixto. Ug tungod niini, ingon sa nagbantay na si Sixto. Nagdala siya’g pistola kay kun magkina-unsa duna siya’y armas nga gamiton para sa mangtas.

Usa ka gabii, giatngan ni Sixto si Imyat didto sa may mingaw nga agianan ug iya kining buot lugoson apan wala madayon ang iyang yawan-on nga buhat kay dihang nakuyapan na si Imyat ug dihang iya na kining pahimuslan may mikalit og bunlot sa iyang liog ug maoy nakita ni Sixto ang usa ka mangtas nga ungo. Mikaratil og dagan si Sixto nga nagpaninggit og pakitabang. Unya sa dihang milupad ang wakwak, gidala niini si Imyat paingon sa ilang tindahan. Ug matag gabii kanunay gyung mahubog si Andoy apan si Imyat nahibawo na kun kinsa si Andoy. (Kataposan)